Cheo de sorpresas se presenta a VII edición do Campus de fútbol de verán do CD Rúa que se desenvolverá no mes de xullo e para o cal estáb abertas as inscricións.
Coa colaboración do Concello da Rúa e da Deputación de Ourense o campamento desenvolverase coma sempre no campo de herba artificial Vicente Solarat Maceda mantendo tres quendas: do 1 ao 5, do 8 ao 12 e do 15 ao 19 e incluirá unha gran variedade de actividades para todos os asistentes.
Poderán aprender o xogo da petanca a carón do campo de fútbol e participar nun torneo de 3×3 por categorías. Tamén recibirán a visita de deportistas como Xiana Pungín, campioa de España de atletismo adaptado en 100 metros lisos e lonxitude (categorías inferiores); ou Breo López Baptista, adestrador do Deportivo da Coruña da Liga Genuine que falará aos rapaces dos da “Liga dos valores a través do deporte”.
Un ano máis, haberá un taller de formación de Primeiros Auxilios e RCP impartido por profesionais de Cruz Vermella Valdeorras e poderán asistir a unha charla sobre estiramentos impartida por Ana López Bao (Fisioval), Fisioterapeuta experta en terapias manuais e lesións deportivas.
E todo sen deixar de lado os adestramentos de fútbol e os xogos. As inscricións están abertas ata o 19 de xuño.
