O Centro de Coñecemento Municipal La Molinera pón en marcha novos obradoiros para impulsar a cultura creadora. Baixo o título ‘Súbete á onda Maker’, organiza diversos cursos para ensinar a crear robots, programar ou imprimir en tres dimensións (3D). Deste xeito, ofrécese ao público xeral experimentar coas amplas posibilidades que dan as novas tecnoloxías.
Vai dirixido a persoas maiores de 16 anos e estará programado para os días 9, 14, 16 e 17 de xuño, en horario de 17 a 19:30h. O obradoiro é gratuíto pero as prazas son limitadas. Para os interesados en participar, deben dirixirse a www.lamolinera.net para solicitar a súa. As clases serán impartidas por Fernando Coladas, experto en robótica, programación e impresión 3D e técnico en equipos microinformáticos e redes.
