Malia ás altas temperaturas deste sábado, os afeccionados ao mundo do motor non querían perderse a cita valdeorresa do Campionato de España de Montaña, que se disputa entre Viloira e Santigoso (O Barco). Colocados en lugares estratéxicos do percorrido nun bo ambiente, seguían, protexidos do sol e contando con bastante bebida e comida (algúns levaban unha barbacoa, pero non a usaron, por recomendación das forzas de seguridade, como medida preventiva antes ás elevadas temperaturas), a evolución da V Subida Valdeorras, cuxa primeira xornada vén de rematar esta tarde.
Mañá pola mañá a estrada OU-121 pecharase ao tráfico ás 8:30h. e ás 10h. está previsto que comece a manga de entrenos oficiais.
Fotos: Carlos G. Hervella.
