A Copa Deputación de Fútbol Sala que o equipo xuvenil do Vianariño FS gañaba nesta tempada (a primeira da súa historia) ten o seu recoñecemento institucional. Tal como explican dende o club, a pasada semana a alcaldesa de Vilariño de Consom Melisa Macía, recibía ao equipo na Casa do Concello, felicitando aos xogadores, corpo técnico e directiva polo seu traballo e logro.
Posteriormente dirixíronse ata o Concello de Viana do Bolo, onde foron recibidos no Salón de Plenos polo seu alcalde, Andrés Montesinos e polo Concelleiro de Deportes, Marcos Martínez. “O equipo recibiu a felicitación polo trofeo conseguido na sua primeira temporada e falouse da creación de novos equipos nas categorías inferiores que serán anunciadas en breve”, din dende o Vianariño, agradeceno a ámbolos dous Concellos “a confianza e o apoio depositados na entidade, que continuarán de cara ao futuro”.
Fotos: Vianariño FS.
