Na mañá deste domingo 24 de marzo, os Andarines de Arcos (Vilamartín de Valdeorras) alertaban da presenza da oruga procesionaria do pino nos montes valdeorreses. “Que a xente teña moito coidado, sobre todo cos cans polo monte porque hoxe hai moitísima”, din, destacando que é especialmente abundante na zona de Xagoaza e por riba da Portela e da Pobra.
As orugas (larvas) están cubertas de pelos urticantes que se desprenden e flotan no aire, polo que poden provocar irritación en oídos, nariz e garganta nos seres humanos, así como intensas reaccións alérxicas. Tamén son perigosas para os animais.
Vídeo da procesionaria: https://youtube.com/shorts/g9P2uawzZO4?feature=share
Foto e vídeo cedidos
