Achegar aos máis pequenos á Atención Primaria. É o obxectivo dunha iniciativa que se desenvolverá a primeiros de xuño no Centro de Saúde do Barco e que inclúe visitas de grupos de escolares ás súas instalacións. A primeira delas está prevista para o 1 de xuño ás 12h. e será dun grupo de alumnos do CEIP Julio Gurriarán. Xa o xoves 8 de xuño, tamén á mesma hora, serán os estudantes do CEIP Condesa de Fenosa os que se acheguen ata o Centro de Saúde.
“Os nenos de Educación Infantil coñecerán aos profesionais sanitarios e non sanitarios que traballan no noso centro de saúde. Percorrerán as zonas de pediatría, odontoloxía, fisioterapia e sala de urxencias para quitarlles os medios que poidan ter e crearlles seguridade para cando teñan que acudir ao centro”, explican dende a organización.
Esta iniciativa está sendo promovia polo persoal do Centro de Saúde do Barco.
