Non pudo ser. Malia adiantarse no marcador, os infantís do C.D. Rúa non lograban manter a vantaxe e acababan perdendo 2-3 no segundo partido de liga ante o Pabellón Promesas, disputado na tarde do 7 de outubro no Aguillón.
Iván adiantaba aos locais cun temperán gol pero os ourensáns non tardaban en reaccionar, e Iago marcaba o primeiro tanto para os visitantes. Só tres minutos máis tarde, Iago volvía marcar chegando ao descanso co 1-2.
Tralo paso polo vestiario, os rueses saían con enerxías renovadas e co gol de Roi o Rúa lograba o empate. Mais o partido non remataba aí e Iago volvía marcar, sentenciando o encontro co 2-3 final.
Antes dos infantís, os xuvenís do C.D. Rúa perdían 1-2 contra Calasancio “B”. Estas dúas derrotas foron a cruz da intensa xornada de fútbol base no campo do Aguillón, coas vitorias dos dous equipos benxamín e o alevín, pola mañá.
Fotos: Mónica G. Bellver