Ruxido de motores en pleno centro de Barco. Numerosas persoas se amoreaban nas beirarrúas da vila para ver pasar os vehículos que en breve tomarán a saída na IV Subida a Valdeorras, que se disputará entre Viloira e Sobradelo.
Os vehículos saían do parque pechado, situado no campo da festa, en dirección a Viloira. Alí farase a asistencia e presentación dos equipos e a partir das 13 horas arrancará a primeira manga de adestramento. Despois haberá dúas carreiras oficiais.
