Máis de 150 participantes achegábanse o día 6 de novembro ata o espazo do Consello Regulador da Denominación de Orixe Monterrei en ‘Experiencia Verema Bilbao’, para descubrir os viños que se elaboran neste territorio vitivinícola.
Entre os asistentes ao espazo de Monterrei destacan representantes dos restaurantes Martín Berasategui, Mina, Kerren Asador, Víctor Montes, Lasai, Sodexo Sanmamés, Kasko, Guretoki, Paca, Cevitxef, Los Fueros, Batzoki Zalla, Nerua, Gon Vaz, Asador Aramendi Berria, ou o Hotel Embarcadero, entre outros.
Alí coñeceron as características do territorio (chan, clima e variedades), historia e patrimonio vitivinícola ou a tipoloxía de viños de Monterrei, entre outras cuestións. Ademais de degustar as elaboracións das seguintes adegas rexistradas no Consello Regulador: Ladairo, Pazo das Tapias, Gargalo, José Luis Gómez Ibáñez (Valderello), José Antonio Da Silva Pereira (Vinos Lara), Crego e Monaguillo, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Pazo de Valdeconde, Tabú, Franco Basalo, Alba Al-Bar (Daniel Fernández), Trasdovento, Manuel Vázquez Losada e Manuel Regueiro García (Serra de Alén).
“É a terceira acción promocional realizada con Verema neste 2023, e permítenos achegar o noso produto á canle de Horeca, importación ou distribución, entre outros”, destaca o presidente do C.R.D.O. Monterrei, Jonatás Gago.
