Un total de 377 socorristas reuníanse esta fin de semana na localidade coruñesa de Arteixo, para participar no campionato de España de salvamento e socorrismo en augas abertas celebrado na praia de Sabón.
Entres eses deportistas, encadrados en 117 equipos (59 deles xuvenís e 58 júnior) de 38 clubs de once comunidades autónomas, estaba Andrea Bello Armada do Club Salvour que tivo unha destacada participación. Tal como explican dende o club ourensán, das 4 probas nas que participou clasificouse en tres delas para as finais. “Na proba de nadar surf quedou no posto número 11 e no sprint de praia no 8 sendo a súa mellor clasificación na proba de bandeiras cunha meritoria quinta posición”. A súa actuación sitúa ao Salvour na posición número 15 de todos os clubs de España na categoría júnior feminina.
Para finalizar a tempada o club Salvour ten pendente tres citas máis neste mes de xullo. O campionato galego xuvenil e júnior a vindeira semana e, posteriormente, o campionato galego máster e os campionatos absolutos, todos en augas abertas nas praias de Arteixo e Laxe.
Fotos: Club Salvour.