Neste venres 5 de xuño vén de abrirse a parcipación ao XIII Concurso Fotográfico Rosa Pons Fábregas “Visións de Parada de Sil” e “Tema libre”, que vai xa pola decimoterceira edición e medrando cada ano en participación. Esta iniciativa está convocada polo Concello de Parada de Sil e pola Asociación Ouro do Sil.
“Este concurso está patrocinado polo empresario Camilo Yañez, residente en Barcelona e vinculado a Parada de Sil, onde ten a súa segunda residencia”, lembran dende o Concello de Parada de Sil.
Os concursantes poden participar en dúas modalidades diferentes. Unha delas é “Visións de Parada de Sil”, que conta cun primeiro premio dotado con 800 euros e cun segundo de 300 euros.
A outra modalidade é de tema libre e os premios son 700 euros para o ganador e 200 para o segundo clasificado.
As fotografías poden enviarse a concursofotografia@paradadesil.es dende hoxe ata o 27 de xullo. Cada concursante pode presentar ata 4 fotografías en cada modalidade Os traballos serán xulgados por un xurado profesional.
