Os xabaríns seguen sorprendendo aos condutores cos seus paseos nocturnos polo casco urbano do Barco de Valdeorras.
Hai apenas unha semana un par de porcos bravos estaban, baixo a chuvia, na rotonda de Veigamuíños, con toda tranquilidade, sen inmutarse polo paso dos vehículos e, hai menos de 24 horas, un condutor volvía gravar a unha parella paseando con toda tranquilidade polo centro da vila, desta volta polo paso inferior que une a rúa Eloy Rodríguez Barrios coa Avenida da Deputación, chegando ata a Casa do Río Cigüeño.
