Na mañá deste mércores 24 de agosto celebrábase no coro alto da igrexa do Mosteiro de San Salvador de Celanova, un peque-concerto, unha actividade musical cun componente máis didáctico sobre o órgano de tubos realizada pola organista local María José Mosquera Seoane.
Tras realizar breves explicación sobre como funciona este instrumento e as partes que o compoñen, contou á trintena de persoas asistentes moitas cousas que sorprenderon sobre cómo se toca ou o que agocha no seu interior cun repertorio preparado para un público infantil e xuvenil que incluiu clásicos como Bach ou Beethoven ata bandas sonoras de películas como Vaiana, Harry Potter ou Star Wars.
Esta actividade enmárcase na serie de propostas que a Fundación Curros Enríquez e o Concello de Celanova están a realizar durante o mes de agosto para un público familiar como as visitas á Torre das Campás, ó mosteiro da man do monxe Rosendo ou as xincanas sobre Manuel Curros Enríquez dos sábados na Casa dos Poetas.
