A exposición pode visitarse ata o domingo 6 de maio de 12 a 13:30 e de 20 a 21:30h.
David López, veciño de Petín e un dos fundadores de Protección Civil da Rúa, ten moitas afeccións. Unha delas é coleccionar todo tipo de obxectos: periódicos antigos, réplicas en miniatura de coches (turismo e tamén de emerxencias), selos, moedas, bandas deseñadas, álbumes de cromos, de fotos antiguas, libros, pins, calendarios, botellas de cervexa e de licores de tamaño reducido,…
Son pequenas coleccións que o seu propietario foi ampliando ao longo dos anos e que agora poden verse no primeiro andar do Centro Cultural Avenida. Hai dous anos estiveron expostas na Oficina de Información de Petín e agora están na Rúa. Poden visitarse ata o domingo 6 de maio de 12 a 13:30 e de 20 a 21:30h.
Fotos: Mónica G. Bellver