Rodeado polos cumes de Trevinca, o Via Crucis da Serra (A Veiga) conmemora cada Semana Santa a paixón e morte de Cristo nun longo traxecto de máis de 14 quilómetros. Un percorrido de case catro horas con paradas en cada unha das quince estacións en granito, realizadas polo artista Pepe de Barrio, que conforman este conxunto relixioso. A derradeira, a da Resurrección, está situada á entrada de Lamalonga, pobo natal deste escultor.
Este singular traxecto relixioso, que se realiza dende hai 19 anos, comezaba no Alto da Portela a partires das catro da tarde deste Xoves Santo, 18 de abril. Ao rematar, os participantes son agasallados pola organización (en mans da Asociación de Cooperación para o Desenvolvemento de Lamalonga “Pepe de Barrio”) con chocolate quente.
Fotos: Carlos G. Hervella.
