As obras da pista anexa ao pavillón dos Remedos levan xa varios meses en marcha. Esta mañá, os responsables municipais, entre os que estaba o alcalde de Ourense, Jesús Vázquez, e o concelleiro de Deportes, Mario Guede. O rexedor municipal anunciou que devanditos traballos estarán finalizados “o vindeiro 10 de febreiro”. Vázquez sinalou que estas obras son “unha grande demanda de moitos colectivos e usuarios das instalacións”. Estas melloras consisten en dotar á pista dun novo chan de pavimento “elastiflex, que pode absorber até o 68% dos impactos que se producen ao pisalo.
Estas obras son unha actuación, sinalan dende o Consistorio ourensán, sobre un total de 1.500 metros cadrados de superficie e, nestes momentos, o único que queda é que se pinten as paredes da pista anexa. A isto hai que engadir unha banca totalmente automatizada que acollerá ata un máximo de 240 persoas. O investimento realizado é de 230.000 euros, achegados nunha porcentaxe do 90% da Secretaría Xeral para o Deporte da Xunta de Galicia.
A obra complétase coa instalación dun sistema de calefacción a través de “aerotermos” conectados á rede de calefacción que permiten quecer o aire, facendo máis confortable a estancia na instalación; a limpeza da cuberta e de corredores de acceso; e a instalación dun novo sistema de luminarias LED que melloran a intensidade luminosa e reducen un consumo enerxético “nun 55% e teñen unha vida útil cinco veces maior ás que estaban antes”, informan fontes municipais.
