Os amantes da boa gastronomía teñen unha cita en Ourense estes días. Dende mañá e até o 13 de novembro, 49 establecementos hosteleiros da cidade pugnarán por namorar os padais dos clientes coa mellor tapa dentro do marco do 9º Concurso de Pinchos de Outono – Sabores de Ourense. O prezo máximo será de 2,50 euros por cada tapa e todas deberán integrar algún produto de tempada como as castañas ou os cogumelos.
O certame gastronómico foi presentado na mañá do xoves 26 de outubro na Estación de Loman, establecemento gañador da edición de primavera, que contou coa presenza do alcalde de Ourense, Jesús Vázquez, o concelleiro de Turismo, Jorge Pumar, o presidente do Consello Regulador da DO Ribeiro, Felicísimo Pereira e Javier Outomuro, en representación da Unión de Hosteleiros Ourensáns (UHO).
Fotos: Sara Fontenla.
Máis información na vindeira edición en papel do Periódico O SIL.
