Cinco de cinco. Excelente foi a xornada deste sábado, 28 de outubro, para a base do C.D. Rúa con vitoria para todos os equipos, tanto nos partidos xogados en casa como a domicilio.
O equipo benxamín A gañaba 3-0 ao Calasancio C no partido disputado pola mañá no campo do Aguillón, mentres que o benxamín B vencía 3-5 no campo do Celanova B.
Na categoría alevín, o C.D. Rúa saía vitorioso do seu encontro da mañá no Aguillón contra A.D. Bosco B, equipo ao que superaba por 4 goles a 2. Os infantís de Luis María Ferrer xogaban pola tarde e tampouco defraudaban, vencendo 7-2 á A.D. Bosco.
Os xuvenís que adestra Carlos tampouco quedaron atrás, goleando á S.D. Chatada en campo lucense por un contundete 0-7.
Os únicos que non marcaron na xornada de hoxe foron os rapaces do equipo sénior, que tiñan que conformarse cun punto tralo empate a ceros no Aguillón contra o Meliás.
Fotos: Mónica G. Bellver. As da galería corresponden ao partido da categoría infantil no campo do Aguillón.
