Vén de poñerse en servizo a senda peonil para acceso de pasaxeiros á nova estación da Gudiña-Porta de Galicia, en Ourense, da Liña de Alta Velocidade (LAV) Madrid-Galicia. Esta senda peonil responde á necesidade de dotar ao núcleo da Gudiña dun itinerario peonil que conectase coa nova estación da Gudiña-Porta de Galicia.
O trazado discorre desde a senda peonil da Xunta, situada na marxe esquerda da estrada OU-533, ata a porta de acceso da estación de alta velocidade.
O itinerario ten unha anchura libre de 2,5 m e unha lonxitude de algo máis de 100 m e, para facilitar o tránsito peonil ata a estación, o trazado adaptouse ao terreo conforme á normativa de accesibilidade e supresión de barreiras da Comunidade Autónoma de Galicia.
Para protexer aos peóns dos desniveis, dispúxose ademais unha malla metálica de peche en todo o perímetro do novo acceso peonil. As actuacións complétanse coas obras de drenaxe para canalizar as augas circulantes na contorna.
