Participantes do programa de inclusión social da Xunta que se leva a cabo en Barbadás aprenden no centro de traballo da empresa Aceites Abril
Un grupo de catro persoas que participan no equipo de inclusión de Barbadás, dentro do marco do programa Estratexia de Inclusión Social da Consellería de Política Social, está a facer prácticas formativas non laborais no centro de traballo da empresa Aceites Abril, no polígono de San Cibrao das Viñas.
O programa formativo estase a levar a cabo dende o pasado día 13 e conforma un total de 100 horas de prácticas como envasadores até o 11 de xullo.