Segundo día da 24º edición de Xantar e o primeiro dedicado a Valdeorras como comarca a través da presenza e activa participación en feira do GDR Valdeorras que preside Mª Carmen González, alcaldesa de Carballeda de Valdeorras, que estivo arroupada por varios alcaldes valdeorreses. Durante a súa intervención indicou que o GDR simboliza a unión, por primeira vez, de todos os concellos da comarca para poñerse en valor como destino enogastronómico. Está formado polos municipios da Rúa, A Veiga, Carballeda de Valdeorras, Larouco, O Barco de Valdeorras, O Bolo, Petín, Rubiá e Vilamartín de Valdeorras.
Para celebrar este día ofrecéronse degustacións no propio stand de produtos típicos como a torta de roxóns e o Licor Barbudos, e Botelo maridado con viños da D.O. Valdeorras. O domingo será o turno da Empanada de Maravallas e viño godello.
Esta comarca protagonista nesta edición de Xantar completa a súa participación con dous restaurantes que ofrecen os pratos protagonistas das súas festas gastronómicas como o o caso do Botelo do Barco, o codillo da Rúa, a androlla de Viana ou a costrela da Veiga.
Fotos: Carlos G. Hervella.
