Cun xantar popular a base de paella e degustación de xamón, arrancaban no mediodía deste sábado 12 de agosto as “Festas na honra á Nosa Señora”, no Bolo. Un xantar celebrado no pavillón municipal (a carón do colexio) ao que asistían unhas 180 persoas.
O programa continuará mañá, domingo día 13, ás 18 horas coa actuación do Mago Teto, natural de Viana do Bolo, no recinto do Castelo; e para o luns día 14 está prevista a “I Festa Irmandiña do Bolo” a partir das 11 horas nas inmdiacións do Castello, con música popular e verbena a cargo da Disco Móbil Danzalia “A Pimentoneta”.
O martes 15 de agosto haberá pasarrúas pola mañá a cargo da Banda de Gaitas Abertal. A misa na honra á Asunción da Virxe será ás 13 horas seguida da procesión co Santísimo; e pola tarde e noite o baile correrá a cargo do grupo Yukatán e da Disco Móbil Danzalia “A Pimentoneta”. E xa o mércores 16, pola mañá será a charanga El Tatoo quen faga o pasarrúas, mentres que o baile de tarde e noite será por conta da orquestra Galilea de novo pola Disco Móbil Danzalia “A Pimentoneta”.
