A Oficina Municipal de Información Xuvenil do Concello do Barco vén de detectar irregularidades na tramitación do Carné Xove, “tras constatarse a existencia de problemas no rexistro da devandita documentación”, segundo informa o Concello do Barco.
Coa finalidade de solventar estas irregularidades, dende o Concello do Barco indícase que “os mozos que realizaran ou renovaran o Carné Xove durante os dous últimos anos (desde o 1 de novembro de 2015 ata a actualidade), deberán pasar polas instalacións municipais para comprobar se o seu carné está correctamente rexistrado nos arquivos de Xuventude, e proceder á posta en marcha de medidas correctoras, no caso de que non sexa así”.
Os interesados poderán informarse sobre esta cuestión chamando ao teléfono do Concello (988320202), ou acudindo persoalmente á terceira planta do edificio multiusos do Barco, onde tamén poderán ser informados respecto deste tema. O prazo para facer as comprobacións rematará o 30 de decembro.
