Quiroga conta desde esta mañá cun novo servizo de lecer para a veciñanza, a Biblioteca na Rúa. Este servizo consiste nun habitáculo que contén libros para que os poidan ler todos os usuarios e tamén para que quen o desexe, poida depositar os seus libros.
Cóntase con dous destes habitáculos. Un situado no parque da Constitución e o outro na praza do Toural, por ser lugares dos máis utilizados para o descanso dos veciños; especialmente por ser zona de espera e vixilancia dos xogos dos máis pequenos.
As casetas de Biblioteca na Rúa van dotadas duns cantos libros de literatura infantil, xuvenil e adulta, maioritariamente novela, destacando a novela de ficción. Despois serán os propios usuarios os que, si o desexan, vaian depositando outros exemplares para compartir cos demais afeccionados á lectura. A xestión é responsabilidade dos usurarios polo que se pide respecto para o material e que non se utilice como almacenamento dos libros que molestan na casa.
Con esta iniciativa, en palabras do alcalde de Quiroga, Julio Álvarez, que esta mañá se achegaba a ver este novo servizo acompañado do equipo de goberno, “créase un complemento máis para os espazos de lecer á vez que se saca a cultura á rúa”.
