Ata oito membros da Sociedade de Pesca Fluvial Valdeorras (SPFV) participaban esta fin de semana (25 e 26 de xuño) no campionato autonómico de pesca de auga doce celebrado no encoro de Chandrexa de Queixa, e o resultado non pundo ser mellor para os valdeorreses, que conseguían o primeiro e o segundo posto.
O campión do autonómico era Raúl Álvarez Pérez que non tiña rival ao sumar un total de 6.437 puntos entre as mangas de mañá e tarde dos dous días. O seu compañeiro, Juan José Lopera Rodríguez, era subcampión cun total de 5.379.
Un pouco máis abaixo, no 5º posto quedaba Alfredo José Martínez Perales con 3.305 puntos. Jesús Delgado era 8º e Rubén Silva 10º.
