Éxito de aforo no primeiro concerto do ciclo que se celebra no Teatro Principal de Ourense
Éxito de aforo no primeiro concerto do ciclo Enclave de Cámara. O Teatro Principal engalanouse esta tarde para recibir á Real Filharmonía de Galicia, que foi a encargada de inaugurar a nova tempada do ciclo musical. A orquestra actuou baixo a batuta do violinista principal da orquestra, James Dahlgren, que ocupa este posto na RFG dende o ano 2005. Os músicos ergueron o telón sobre as táboas ourensás interpretando a “Marcha para tres trompetas”, de Carl Philipp, e pechárono coas obras de Edvard Grieg “Suite Holberg” e “Dúas melodías”.