A primeira hora da mañá do sábado 23 de agosto, un grupo de veciños e Punxeiro e Quintela de Pando, no concello de Viana do Bolo, poñíanse en marcha para comezar os labores de sega do pan. Esa era a primeira das actividades incluídas este ano no programa da Noite das Ferreñas que remataba coa actuación das pandereteiras na praza Maior.
Despois da sega, con xantar incluído na leira, xa pola tarde os veciños desprazábanse ata o centro de Viana para comezar a recreación da malla tradicional, feita a man a base de golpear o pan cos mallos contra o chan da praza.
Así, co son dos mallos e das cantareiras chegadas dende diferentes puntos da provincia de Ourense, os veciños e visitantes de Viana disfrutaron dunha tarde na que a etnografía rural galega estivo máis viva que nunca.
Máis informacion na vindeira edición en papel do Periódico O Sil.
Fotos: Carlos G. Hervella.
