O proxecto “Ourense Norte Reacciona” para captar fondos europeos de recuperación segue dando pasos. Así, os 16 concellos integrados nesta iniciativa, que botaba a andar en outubro cunha primeira solicitude dun proxecto na liña de apoio comercial, teñen previsto celebrar unha reunión na mañá do vindeiro 9 de novembro no Concello de Manzaneda.
Desta agrupación forman parte os concellos de Viana do Bolo, Xunqueira de Espadanedo, Parada de Sil, A Teixeira, Montederramo, San Xoán de Río, Manzaneda, Vilariño de Conso, Larouco, Petín, A Rúa, O Bolo, A Veiga, Esgos, Nogueira de Ramuín e Chandrexa de Queixa.
No encontro farase un seguimento do proxecto global “Exploración de vías de aproveitamento dos fondos NextGeneration EU para municipios menores de 5.000 habitantes”.
