Pasadas as dúas da tarde do sábado 26 de decembro, un día despois do Nadal, arrancaba unha nova edición da Festa da Empanada de Costelas na Rúa Vella, á que asistiron unhas duascentas persoas de tódalas idades.
Tralo primeiro prato (sopa de allo) os comensais comezaban a entonar os corpos, preparándose para o prato forte, a empanada elaborada pola Panadería Lorenzo. Tal como informan dende a comisión de festas de San Roque, encargados da organización, para a elaboración das empanadas empregaron uns 80 quilos de costelas de porco adobadas.
O menú completábase con torta de roxóns, viño Rúa, auga, café e licores. O partado musical correu por conta de Os Bertolini e da disco-móbil Danzalia.
Fotos: Carlos G. Hervella
Máis información na edición en papel de xaneiro do Periódico O Sil
