Antes de que comezara o ano, dende a Liga Galega da Moto de Campo facían público o calendario de probas que se celebrarán neste 2023 nas diferentes modalidades (enduro, hard enduro, resistencia e navegación).
A de enduro (e tamén a variedade de mini enduro), comezará en febreiro na Peroxa; continuará en marzo, a comezos en Pantón e a finais en Piñor; e en maio chegará ata San Xoán de Río, unha das novidades deste ano. O día 27 será o turno do Mini Enduro Trofeo FOX SBIKE e o 28 o do Enduro Trofeo Café Caldelas.
Para o 18 de xuño está prevista unha proba en Foz e aínda haberá outra para despois do verán pendente de determinar.
