Ante a evolución da situación sanitaria no concello de Ourense, a Consellería de Sanidade vén de intesificar as súas medidas preventivas fronte ao Covid. As novas medidas publicaranse esta tarde no Diario Oficial de Galicia (DOG) e entrarán en vigor as 00:00 horas.
As novas medidas inclúen o “peche dos Centros de Día para persoas maiores ou con discapacidade e a suspensión de visitas e saída de usuarios das Residencias Sociosanitarias. Xunto a elo as reunións privadas, limitaranse a un máximo de 10 persoas; redúcese o aforo ata o 50% en comercios e hostalería, bibliotecas, academias, autoescolas e centros privados de ensino non regrado entre outros”, tal e como se adianta dende a Consellería de Sanidade.
