O Campo da Feira de Ourense volverá vibrar un ano máis coa mellor música metal. O Live for Madness Metal Fest programa para o 24 de setembro a súa sexta edición e xa conta con cartel pechado. Así, son seis as bandas que actuarán neste emprazamento ás beiras do Miño: Legacy of Brutality, Thirteen Bled Promises, Rise To Fall, Aphonnic, Strikeback e Ocean’s Garden.
As entradas pódense adquirir anticipadamente a un prezo de 10 euros a través de entradum.com e nos puntos de venda oficiais: El Pueblo, Matiz, Motorcycles, Prosoda e Sala Berlin. Se se adquire en taquilla, o prezo será de 12 euros. A organización tamén pon a disposición dos siareiros camisetas co cartel do festival, a un prezo de sete euros. O festival comezará ás 19:30 horas, con apertura do recinto unha hora antes.
