Novamente os espazos verdes de Sobradelo (Carballeda de Valdeorras) veñen de engalanarse con coidadas e orixinais esculturas para darlle a benvida á nova estación: o outono.
Así a vila estrea un novo xardín temático con numerosas referencias que, de xeito orixinal e coidado, aluden a esta época do ano, marcada pola caída das follas, pero tamén pola vendima e a nova colleita de castañas e mesmo de olivas, e por suposto, pola infinidade de cogomelos que enchen de cor e vida os solos dos montes.
Fotos cedidas.
