O Concello de Trives organizaba unha ruta de sendeirismo familiar na mañá do Sábado Santo
Camiñata en familia e circular. O Concello de Trives organizaba na mañá do Sábado Santo unha ruta de sendeirismo que partía dende a praza de Sobrado e, tras pasar por Mendoia, regresaba ao mesmo punto desta vila de pasado medieval. Neste traxecto, guiado por traballadoras da Oficina de Turismo, os participantes puideron desfrutar de paisaxes de viñedos, bosques, fervenzas e do patrimonio Románico desta zona trivesa.
Fotos: Oficina de Turismo de Trives.
