Pechando un completo programa de actividades que se desenvolveron ao longo da semana, na mañá deste domingo 5 de novembro Son do Sil poñía a banda sonora ás Xornadas Forestais e Micolóxicas de Mos (Pontevedra).
En pequeno formato e baixo unha carpa instalada para a ocasión, a agrupación músico vocal valdeorresa facía un repaso polos temas habituais no seu repertorio, dende os boleros ata temas pop dos 80 e outros novos.
A seguinte actuación de Son do Sil será o venres 10 de novembro (se non hai máis cambios) no Luar da Televisión de Galicia.
Fotos e vídeo cedidos.
