Tarde de fútbol e vitorias no campo Vicente Solarat Maceda no que os equipos alevín e sénior do CD Rúa disputaban os seus respectivos partidos de Copa Deputación.
Os primeiros en saltar ao terreo de xogo eran os pequenos do club para enfrontarse en oitavos de final ao Santa Teresita. Un partido no que vencían sen dificultade os rueses pasando así a cuartos de final da Copa Deputación de Ourense.
De seguido, case sen descanso, era o equipo sénior que dirixe Javier Ferrer o que saltaba ao campo para enfrontarse na segunda ronda da Copa á ACD Sande. E outro partido que vencía o conxunto rues. Sanuel abría o marcador no minuto 13 ao transformar un penalti, rematando a primeira parte co 1-0 no marcador. Tralo paso polo vestiario e malia as críticas do público ás decisións do árbitro, no minuto 78 Hugo poñía o 2-0 e sentenciaba o partido, logrando o pase do CD Rúa á seguinte ronda da Copa Deputación.
Fotos: Mónica G. Bellver.
Vídeos: cedidos.
