Para moitos barquenses a data do 27 de decembro de 1959 é inesquecible. Aquela tarde o Sil rebosaba e a Ponte de San Fernando, que unía O Barco con Viloira, cedeu á súa riada e acabou por derrubarse, deixando unha vítima mortal e a ambas beiras incomunicadas durante bastante tempo.
Neste mes de decembro cúmprense 60 anos daquel feito que marcou a historia recente da vila e para conmemoralo o Concello do Barco abrirá o 28 de decembro ás 20h. unha exposición titulada “Lembranza da ponte vella de San Fernando no 60 aniversario da súa caída”. Ademais terá lugar unha representación teatral do grupo Gargallada Teatro.
Este actos inclúense na programación de Nadal do Concello do Barco.
