Multitude de persoas concentrábanse na tardiña do 5 de novembro na rúa San Martín de Trives para desfrutar da tradición do Magosto.
No decurso da celebración, organizada polo Concello, os asistentes podían degustar, tras unha entrada de 2 euros, saborosas castañas asadas, acompañadas de panceta ou chourizo (a elixir), dunha porción de bica e por viño ou auga. Todo isto entregábase en packs individuais elaborados con materiais reciclables.
E tras a parte gastronómica da festa, viña a musical, na que os asistentes bailaban ao son do Grupo Assia.
Fotos: Carlos G. Hervella.
