Na tarde deste luns 17 de xuño producíase un accidente no concello do Barco de Valdeorras no que se vía implicado un ciclista.
Tal como explican dende o 112 Galicia, en torno ás 20:20 horas recibían a chamada dun particular “solicitando unha ambulancia para un mozo que caera da bicicleta e sangraba moito pola cabeza aínda que estaba consciente e mantíñase de pé”.
O suceso tiña lugar no K-45 da N 536 e dende o centro informaban a urxencias sanitarias, Policía Local do Barco, Garda Civil de Tráfico, Bombeiros, Ges Valdeorras e Protección Civil. “Posteriormente o GES informaba de que a persoa quedaba sendo antendida polos sanitario tras comprobar que tiña dous cortes na cabeza”.
