No sur das provincias de Ourense e Pontevedra deixábase sentir na noite do sábado 17 de novembro un tremor de terra con epicentro en Melgaço (Portugal) e magnitude 3,8 deixouse. Preto dunha trintena de veciños contactaban co 112 Galicia tras precibir o movemento sísmico que escasos minutos despois confirmaba o Instituto Xeográfico Nacional.
“Os primeiros efectos do tremor comezáronse a sentir ao fío das nove da noite de onte, cando o 112 Galicia iniciou diversa comunicacións con veciños de diversos concellos, como Crecente, Arbo, Vigo, Pontevedra, As Neves, Ponte Caldelas, Toén, Padrenda, Ribadavia, Lobios, Boborás, Celanova e O Carballiño”, segundo o 112 Galicia. Tamén se sinala dende esta entidade que, “con todo, ninguén resultou ferido e, pese ao movemento que algúns veciños aseguraron sentir no interior das súas vivenda, ningún inmoble sufriu danos”.
