
Son os seus primeiros Xogos Olímpicos. Tras conquistar diferentes podios nacionais e internacionais co equipo español de baloncesto feminino absoluto, entre eles a prata no mundial de Turquía, Lucas Mondelo, afronta agora un novo reto: Río 2016. A selección española dirixida por Mondelo debutaba co vitoria fronte a Serbia, pero encaixaba o seu primeiro revés co denominado “dream team”: Estados Unidos. Xa se medira con el nas finais do mundial de Turquía, daquela cun resultado 64 a 77. Quedábanse a só trece puntos de diferencia das nortemaricanas.

Desta volta, no partido xogado o 8 de agosto as cousas foron máis complicadas. E o equipo de Mondelo caía cunha diferencia de 40 puntos ante o norteamericano: 63 a 103. Agora o seleccionador de orixe valdeorresa concéntrase no seguinte encontro da primeira fase dos Xogos, desta volta contra China. Será o mércores día 10 ás 17:15h.