Dende este xoves 29 de xuño pode visitarse na Casa do Río Cigüeño do Barco unha mostra que reúne os traballos e creacións realizadas polas persoas participantes no proxecto “O Merendoiro”. Trátase dun programa de lecer alternativo e creativo que a Concellería de Servizos Sociais, Sanidade e Igualdade do Concello do Barco de Valdeorras puxo en marcha o pasado mes de abril de 2023.
Nesta primeira edición estivo composto por un total de 9 obradoiros que superaron as 150 inscricións. Para saber como continuar, e coñecer os intereses que ten a mocidade do Barco de Valdeorras en relación ás oportunidades de lecer, abriuse unha enquisa de participación.
Entre o materia exposto poden verse creacións literarias, bordado de fotografía, ilustracións, etc. Esta primeira edición do programa foi posible grazas ao financiamento da FEMP (Federación Española de Municipios e Provincias) e o Instituto de la Juventud (INJUVE) do Ministerio de dereitos sociais e Axenda 2030.
Fotos cedidas.