Venda de camisetas e de carnés de socio, presentación do cartel da V Subida a Valdeorras, unha colchoneta para os máis pequenos e un xantar con sorteo incluído. Non faltou detalle na “Festa da Paella” organizada pola Escudería Valdeorras que no mediodía deste sábado 22 de abril reunía a unhas 150 persoas no pavillón vello do Barco.
Unha celebración para socios e non socios, afeccionados ao mundo do motor e público en xeral que colaboran coa subida que en menos de dous meses converterá ao Barco no epicentro do automobilismo co Campionato de España de Montaña (CEM).
Fotos: Mónica G. Bellver.
