Avanza o proceso de vacinación. A partir do luns iniciarase na Área Sanitaria de Ourense, Verín e O Barco a vacinación contra o Covid-19 das persoas de entre 40 e 49 anos tanto en Ourense, como nos hospitais de Valdeorras e Verín, tal e como vén de informar a Consellería de Sanidade. A este grupo de idade, que xa comezou a ser citado, administraránselle vacinas de Pfizer, Moderna e Janssen.
Ademais, nesta fin de semana continúa a vacinación en grandes recintos no Paco Paz e nos Hospitais de Verín e Valdeorras.
