Mantense o descenso no múmero de casos activos de coronavirus na comarca de Valdeorras que neste luns 14 de febreiro rexistra 180 positivos, o que supón 49 menos que o venres, segundo os datos feitos públicos pola Consellería de Sanidade (actualizados ás 18h. de onte).
Por concellos, baixan os casos no Barco con 113 positivos (32 menos que o venres), Larouco e Petín que quedan libres de Covid, A Rúa con 27 (12 menos que o venres), e Rubiá con 3 (4 menos) e Vilamartín con 10 (4 menos).
Mantéñense os casos na Veiga con 6 (os mesmos que o venres); e soben no Bolo que conta con 14 positivos (1 máis que o venres) e en Carballeda con 7 (5 máis).
No Hospital Público de Valdeorras mantéñense os ingresos, rexistrando neste luns 14 de febreiro un total de 4 en planta, os mesmos que onte.
