Con mesas informativas e unha charla celebra a delegación valdeorresa da Asociación Española contra o Cancro (AECC) o 19 de outubro o Día contra o Cancro de Mama. Pola mañá instalábanse mesas informativas e nas que tamén se repartían caraveis rosas e laciños desta cor na praza do Concello do Barco e no Hospital Comarcal Valdeorras, así como na praza do Concello da Rúa.
Pola tarde, ás 20:30h. o doutor Reboredo impartirá unha charla sobre o cancro de mama no salón de actos do edificio multiusos do Barco.
