Nova xornada de estabilidade en canto a casos activos de Covid-19 en Valdeorras, manténdose en 32 os positivos, os mesmos dos últimos dous días, aínda que con pequenos cambios nalgúns concellos, segundo os datos comunicados neste sábado 1 de maio polo Sergas.
No caso do Barco hai un positivo menos, é dicir, pasa dos 16 de onte a 15; mentres que en Carballeda de Valdeorras sucede á inversa, subindo 1 con respecto á xornada de onte, co cal rexistra un total de 7.
No resto de concellos mantéñense os datos de onte: Petín segue con 4 positivos; Vilamartín de Valdeorras con 3; Rubiá con 2; e A Rúa con 1.