Estabilidade nos casos activos de coronavirus en Valdeorras. Na xornada deste mércores 9 de marzo a comarca mantense nos 183 positivos (datos actualizados ás 18h. de onte), os mesmos que onte, segundo as cifras feitas públicas pola Consellería de Sanidade.
Soben lixeiramente os contaxios no Bolo con 3 positivos (2 máis que onte), en Petín con 6 (1 máis que onte) e na Rúa que conta con 70 (2 máis que onte). Por contra, os casos activos baixan en Carballeda de Valdeorras con 20 (5 menos que onte), en Larouco con 6 (1 menos que onte) e en Rubiá con 6 (1 menos que onte). Ademais mantéñense os datos no Barco con 62 casos activos, a mesma cifra que onte.
En canto aos ingresos, o Hospital Público de Valdeorras rexistra nesta xornada 3 hospitalizacións en planta por coronavirus, tres menos que onte, segundo os datos do Sergas.
