Aínda que de forma moi lixeira, seguen subindo os casos activos de Covid na comarca de Valdeorras que na xornada deste mércores 23 de febreiro contabiliza 163 positivos, o que supón 3 máis que onte, segundo os datos feitos públicos pola Consellería de Sanidade (actualizados ás 18h. de onte).
Por concellos, soben os positivos no Barco con 89 (9 máis que o onte), en Rubiá con 5 (1 máis que onte) e en Vilamartín con 6 (1 máis).
Pola contra, os casos activos baixan no Bolo con 3 (1 menos que onte), en Carballeda de Valdeorras con 18 (2 menos), na Rúa con 30 (3 menos) e na Veiga con 2 (2 menos que onte). As cifras de positivos mantéñense en Larouco con 2 e en Petín con 8, os mesmos que o venres.
Con respecto ás hospitalizacións, o Hospital Público de Valdeorras conta con 5 ingresos en planta, 1 máis que onte. No conxunto da provincia, os ingresos ascenden a 77 en planta e 6 en coidados intensivos.
