Continúa a baixada nos positivos de Covid en Valdeorras. Así, a comarca ten neste 28 de xullo un total de 219 casos activos de Covid, o que supón 7 menos que onte, segundo os datos do Sergas actualizados ás 18h. do 27 de xullo.
Os municipios que rexistran aumento de casos son A Rúa, que conta con 25 positivos, 4 máis que onte; Rubiá que conta con 6 positivos, o que supón 1 máis que onte; e Larouco con 3 positivos, 1 máis que onte. Por contra, baixan os casos no Barco con 157 positivos, 13 menos que onte.
No resto de municipios mantéñense as cifras de onte, así O Bolo continúa con 2 casos activos en Carballeda de Valdeorras hai 4, na Veiga hai 5 positivos, en Petín con 2 e en Vilamartín con 15 positivos.
A provincia de Ourense rexistra un total de 2.223 casos activos, o que supón 34 menos que onte. No que se refire a ingresos, o Hospital Público de Valdeorras continúa con 2 ingresos por Covid en planta, o de Verín mantén 1 e o Hospital de Ourense 38 en planta (3 menos que onte) e 3 en UCI (os mesmos de onte). Ademais a Clínica Santa Teresa rexistra 2 ingresos en planta (2 menos que onte). En total son 46 as persoas hospitalizadas por Covid na provincia de Ourense, 5 menos que onte.
